Kubada balalar öçen kümäk Kovid -19 vakśinası kampaniyäse başlanğan

 Kuba barlıq balalar öçen vakśinaśiyäläw programmasın başlap cibärgän berençe il buldı.

Xalqınıň 90%ın privivkalawnı däwam ittergän Kuba balalar öçen kümäk Kovid -19 vakśinası kampaniyäse başlattı.

 Kuba statistikasına qarağanda, kim digändä 117 meň 500 balağa Kovid -19 diagnozı quyılğan.

Kuba sälamätlek saqlaw ministrı Xose Portal Miranda balalar arasında virus oçraqlarınıň artuınıň borçu tudıruın belderä.

Kubada balalar arasında oçraqlarnıň artuı räsmi zatlarnıň bu ay başında mäktäplärne açu planın kiçekterergä êtärde.

Mäğarif ministrı Evgenio Gonsales ata-analar balaları qabat mäktäpkä barsınnar öçen alarğa privivka yasatırğa tiyeş tügellegen , läkin xalıqnı üz balalarına vakśina qadatırğa çaqırdı.

Kuba “Soberana-2” häm “Abdala” isemle 2 cirle vakśina êşläp çığardı.

”Soberana -2” vakśinası 2-18 yäş’ törkemenä, ä “Abdala” vakśinası olılarğa qadala.

Bu vakśinalar älegä xalıqara institutlar tarafınnan raslanmağan.