Awrupa Ğädälät Şurasınnan Pol’şağa ştraf

Üzäge Lyuksemburgta urnaşqan Awrupa Berlegeneñ iñ yuğarı mäxkämäse Awrupa ğädälät şurası Çexiyanıñ çik buyına yaqın kümer şaxtası arqasında Pol’şağa qarşı açqan mäxkämä êşendä xökem çığardı.

Qararda: "Pol’şa Turow şaxtasında lignit çığarunı tuqtatmağanı öçen Awrupa Berlege komissiyasına könenä 500 meñ yevro külämendä aqçalata cäza tüläwgä xökem itelde”, - dip äytelde.

Mäxkämä may ayında "waqıtlıça çara" bularaq şuşı şaxta êşçänlegeneñ tuqtatıluına qarar qılğan, Pol’şa isä bu qararnı ütämägän ide.

Pol’şa êlektr êşläp çığarunıñ yaqınça yartısın kümer belän täêmin itä. Turow yatması ilneñ kümer çığanaqları arasında ähämiyätle urın alıp tora.