AQŞ vakśinasız kertmi

Amerika çit il watandaşları öçen yaña qağıydälär kertä

1708583
AQŞ vakśinasız kertmi

Amerika Quşma Ştatları noyabr’ ayınnan başlap üzenä kilüçe 18 yäş’tän ölkän barlıq çit il keşeläreneñ koronavirus vakśinası yasatqan buluın taläp itäçäk.

Aq Yortnıñ Kovid-19 belän köräş törkeme koordinatorı Djeff Ziênts matbuğat cıyılışında Bayden idaräseneñ xalıqara oçışlar belän bäyle yaña säyäsäten xäbär itte. Anıñ äytüençä, AQŞqa kilüçelärneñ vakśina yasatuların dälilläwe kiräk bulaçaq. Monnan tış, oçışqa qadär 72 säğat’ êçendä yasalğan negativ PŚR testı mäcbüriyäte dä däwam itä.

Älege säyäsät näticäsendä AQŞqa kerü tıyılğan illär isemlegendäge Şengen däwlätläre häm Böyekbritaniyädän dä kilü röxsät iteläçäk.

Êlekkege AQŞ ilbaşı Donal’d Tramp 2020nçe yılnıñ martında Şengen töbägenä kerüçe Awrupa däwlätläre, Angliya, İrlandiya häm Braziliyädän kilüçe çit il watandaşlarına qarata kertelgän çikläwlärneñ 26nçı ğıynvarda betäçägen beldergän ide. Tik 20nçe ğıynvarda xakimiyätkä Bayden kilde häm älege çikläwlärneñ däwam itäçägen citkerde.



Bäyläneşle xäbärlär