Netan'yaxu AQŞ ilbaşınnan kölde

Ul Djo Baydennıñ xäzerge İzrail prem’yerı Naftali Bennett belän söyläşü barışında yoqığa qaluına işaräläde

1707992
Netan'yaxu AQŞ ilbaşınnan kölde

İzrailneñ êlekkege xökümät räise Binyamin Netanyaxu AQŞ ilbaşı Djo Baydennıñ xäzerge İzrail prem’yerı Naftali Bennett belän söyläşü barışında yoqığa qaluı farazlanuçı mizgellärdän kölde.

Netanyaxu Feysbuk säxifäsendä urtaqlaşqan videoyazmada 27nçe avgustta Aq Yortta uzğan Bayden-Bennett söyläşüenä sıltama yasıy. “Baydennıñ söyläşüdä bik diqqat’le buluın kürdem,”-dip yaza ul, ä videoda başın iyep küzlären yoma.

İzrail matbuğatı bu xäräkät belän Netan’yaxunıñ AQŞ ilbaşınıñ söyläşü barışında yoqığa kitüen kürsätüen farazlıy.

Xäbärdän soñ Netan’yaxunıñ partiyäse Likudtan yasalğan belderüdä êlekkege xökümät räiseneñ yänäse Baydennan tügel, Bennettan kölüe äytelä.

Bik küp izraille Naftali Bennett belän söyläşü barışında Djo Baydennıñ yoqığa kitüe farazlanuçı küreneşlärne sośial’ mediada urtaqlaştı. İzrail matbuğatı isä oçraşuda Baydennıñ yoqlamawın, älege videonıñ montajlanuın citkerde.



Bäyläneşle xäbärlär