Franśiya ministrı Angliyağa barudan waz kiçte

Franśiya saqlanu ministrı Florence Parly Angliya, Amerika Quşma Ştatları häm Awstraliya arasında qul quyılğan iminlek kileşüennän soñ ingliz wazıyfadaşı belän ütkäräçäk söyläşülärne ğamäldän çığardı.

Awstraliyanıñ atom ênergiyalı suastı köymäläreneñ êşläp çığarıluı öçen “Aukus” kileşüenä qul quyğannan soñ häm Franśiya belän tözegän kileşüdän çigenüennän soñ Parij citäkçelegeneñ barlıq dairälärendä reakśiyälär arta bara.

İñ soñğısı - Franśiya saqlanu ministrı Florence Parly Angliya saqlanu ministrı Ben Wallace belän şuşı atnada Angliya başqalası Londonda uzdıraçaq söyläşüne ğamäldän çığardı.

Angliyanıñ Franśiyä êlekke ilçese Lord Ricketts cıyılışnıñ soñğaraq ber waqıtqa kiçekterelüen belderde.

Angliya Baş ministrı Boris Johnson Franśiyanıñ kileşüdän borçılırlıq ber närsä bulmawın äytte.

Awstraliya Baş ministrı Scott Morrison isä Awstraliya, AQŞ häm Angliya arasında imzalanğan yaña iminlek kileşüennän soñ Franśiya belän 90 milliard dollarlıq suastı kileşüen ğamäldän çığarı qararınnan ükenmäwen citkerde.

Franśiya tışqı êşlär ministrı Jean-Yves Le Drian Awstraliyanıñ kileşüne ğamäldän çığaru plannarın Parijğa Awstraliya Baş ministrı Scott Morrisonnıñ 16nçı sentyäbr’dä AQŞ İlbaşı Djo Bayden häm Angliya Baş ministrı Boris Johnson belän onlayn bularaq belderü yasawınnan ber säğät aldan añlatuın äytkän ide.

Le Drian kileşüneñ ğamäldän çığarıluın "xıyanät" bularaq bäyälägän ide.

Awstraliyanıñ, AQŞ häm Angliya texnologiyası belän kim digändä sigez atom ênergiyalı suastı köymäsen êşläp çığarı planın açıqlap, Franśiyanıñ “Naval” törkeme belän 2016nçı yılda tözegän 90 milliard Awstraliya dolları (yaqınça 66 milliard AQŞ dolları) külämendäge tradiśion suastı köymäse flotın tözüdän waz kiçüenä kisken reakśiya kürsätkän Franśiya Canberra ilçesen kiñäşläşü öçen kire çaqırğan ide.