Boksçı il belän idarä itärgä teli

Tanılğan boksçı Mênni Pak’yao ilbaşı saylawlarında kandidat

1707794
Boksçı il belän idarä itärgä teli

Filippinlı tanılğan boksçı Mênni Pak’yao ilendä 2022nçe yılda uzaçaq saylawlarda däwlät başlığı bulu öçen yarışaçaq.

42 yäş’lek sportçı - 8 törle awırlıqta dön’ya çempionı isemen qazanğan berdänber boksçı. Ul 2010nçı yılda başlağan säyäsi tormışında yaña säxifä açarğa cıyına.

Pak’yao xakimiyättäge PDP-Laban partiyäsendäge ber törkem tarafınnan 2022nçe yıldağı däwlät başlığı saylawına kandidat bularaq täq’dim itelde. Filippinlı boksçı şunnan soñ parlamentta yasağan çığışında bolay dide: “Ringta häm anıñ tışında härwaqıt köräşçe bulıp qalaçaqmın. Filippinnıñ däwlät başlığına kandidatlıqnı qabul itäm”.

PDP-Laban partiyäse soñğı waqıtta xalıqara cämäğat’çelek tarafınnan rişwätçelektä ğayeplänüçe däwlät başlığı Rodrigo Dutertenı kiläse saylawda viśe-prezidentlıqqa kandidat bularaq kürsätäçägen xäbär itkän ide.  

Qayçandır dön’yadağı iñ küp aqça qazanuçı sportçılar arasında urın alan Mênni Pak’yao üze tuğan Sarangani töbägennän 2010nçı häm 2013nçe yılda xalıq ışanıçlısı bularaq saylandı. 2016nçı yılda ul senatqa kerde.



Bäyläneşle xäbärlär