Orbitağa oçqan berençe turistlar qayttı

Älege 4 keşe professional’ astronavttan başqa orbitağa mengän berençe törkem bularaq tarixqa kerde

1707678
Orbitağa oçqan berençe turistlar qayttı

Ğalämgä yulçılıq tarixında täwge tapqır tulısınça grajdanlılardan torğan 4 keşelek törkem säfärlären tögälläp planetağa kire qayttı. Alar Amerikanıñ SpaceX şirkäteneñ missiyäse belän 3 kön Cir orbitasında buldı.

Ğaläm yulçıları paraşyut belän AQŞnıñ Florida ştatı sulıqlarına töşep utırdı. Alarnı alqışlar häm söyeneçle şiğar’lär belän qarşı aldılar.

Bilgele bulğança, törkemdä professional’ astronavt yuq. Alar planetağa 576 çaqrım yıraqlıqta 3 kön kiçerde häm fänni täcribälär ütkärde.

Ğaläm yulçılığınıñ çığımnarın 38 yäş’lek êşmäkär Djared İsaakman kütärä. Ul üze dä bu missiyädä qatnaşa. Törkemdä 42 yäş’lek êlekkege xärbi oçuçı xatın-qız, 51 yäş’lek geologiya uqıtuçısı häm yaman şeş belän köräşüçe 29 yäş’lek mediśina xezmätkäre bar ide. Älege 4 keşe professional’ astronavttan başqa orbitağa mengän berençe törkem bularaq tarixqa kerde.



Bäyläneşle xäbärlär