Klimat üzgäreşe can ala

Bu xaqta Xalıqara Qızılxaç hӓm Qızılay Cӓmğıyӓt’lӓre Federaśiyase belderde

1707146
Klimat üzgäreşe can ala

Koronavirus kizüe başınnan birle klimat üzgӓreşe arqasında barlıqqa kilgӓn fӓlӓkӓtlӓrdӓ 17 meñnӓn artıq keşeneñ ğomere özelde.

Xalıqara Qızılxaç hӓm Qızılay Cӓmğıyӓt’lӓre Federaśiyase Kovid-19 kizüe başlanğannan alıp klimat üzgӓreşenӓ bӓyle afӓtlӓrneñ 139,2 million keşegӓ tӓêsir itüen, 17 meñnӓn artıq can aluın açıqladı.

Federaśiya klimat üzgӓreşe hӓm Kovid-19 tӓêsirlӓre belӓn bӓyle açıqlağan yaña xisabında kizüneñ cӓmğıyӓt’lӓrne klimat krizisına qarşı tağın da yaqlawsız yasawına iğtibar cӓlep itte.

Xisaptan kürengӓnçӓ 681 millionnan artıq keşe êsse hawağa duçar qaldı.

Xalıqara Qızılxaç hӓm Qızılay Cӓmğıyӓt’lӓre Federaśiyase başlığı Franśesko Rokka BMO Ğomüm üzӓgendӓ oyıştırğan matbuğat oçraşuında: “Dön’ya klimat üzgӓreşe hӓm Kovid-19 kiterep çığarğan zur gumanitar krizis belӓn oçraştı,” – dide.

Rokka noyabr’da Şotlandiyaneñ Glazgo şӓhӓrendӓ oyıştırılaçaq BMO Klimat üzgӓreşe konferenśiyasennӓn alda dön’ya liderların parnik gazınıñ bülenep çığuın azaytuları öçen êş kereşergӓ çaqırdı.



Bäyläneşle xäbärlär