Tön’yaq Koreyanıñ yaña raketa sınawları

Yaponiya Tön’yaq Koreyanıñ "ballistik" buluı isäplänelgän raketa sınawların ütkärüen belderde

1706466
Tön’yaq Koreyanıñ yaña raketa sınawları

Däwlät matbuğat organı “NHK”neñ Yaponiya xökümäte çığanaqlarına nigezlänep citkergän xäbärenä kürä, Tön’yaq Koreya 15nçe sentyabr’ irtäsendä raketa sınawın ütkärgän.

Yaponiya saqlanu ministrlığı Tön’yaq Koreyanıñ sınap qarawı uylanılğan "ballistik raketa”nıñ Yaponiyanıñ wäqalät mäydanına kilep töşmäwen açıqladı.

“Kyodo” agentlığına kürä, Yaponiya yar buyı iminlege raketanıñ Yaponiyanıñ maxsus iq’tisad töbägennän çittä kilep töşü ixtimalın citkerde.

Amerikan “Associated Press” (AP) agentlığınıñ Kön’yaq Koreya ğomum ştab räislege belderüenä tayandırğan xäbärenä qarağanda, Tön’yaq Koreya raketanı ilneñ könçığış yar buylarına taba ırğıtqan.

Raketa sınawlarınıñ Amerika Quşma Ştatları belän Kön’yaq Koreya diplomatlarınıñ kiçä Yaponiya başqalası Tokioda uzdırğan “Tön’yaq Koreya” temalı sammittan soñ ütkärelüe iğ’tibarnı cälep itte.

“Yonhap” agentlığı Tön’yaq koreya çığanaqlarına nigezlänep beldergän xäbärendä bu ilneñ atna axırında 1500 çaqrım radisulı “yaña tör raketa”nı sınap qarawın iskärtep uzğan ide.



Bäyläneşle xäbärlär