Mäktäplär qullanılmaslıq xäldä

Êfiopiyada fetnäçelär belän armiya arasındağı bäreleşlär meñnärçä balanı belem aludan mäxrüm itte

1706422
Mäktäplär qullanılmaslıq xäldä

Êfiopiyädäge höcümnärdä 260 mäktäp qullanılmas xälgä kilde. Waqıyğalar ilneñ Amxara regionında bula. Tigray xalıq bäysezlek frontınıñ höcümnäre arqasında 2 meñ 511 mäktäp öleşçä zarar kürä, Amxaradağı 260 uqu yortı isä tulısınça cimerelä. Näticädä meñnärçä bala belem aludan mäxrüm.

Bu ğına tügel, regionda bik küp şäxsi häm räsmi oyışma talanğan, asqorma ob’yektlarına zıyan salınğan. Anda yäşäwçe 1 millionğa yaqın keşe küçenergä mäcbür qala.

Êfiopiya mäğarif ministrı Getaxun Mekuriya 30nçı avgustta yasağan belderüendä iminlek köçläre belän bäysezlek frontı arasındağı bäreleşlärdä xäzergä qadär 7 meñ mäktäpneñ cimerelüen äytkän ide. İlneñ armiyäse 2020nçe yılnıñ noyabrendä fetnäçelärgä qarşı başlağan operaśiyädä öleşçä uñışqa ireşsä dä, gumanitar xälne säbäp itep 28nçe iyün’dä Tigray başqalası Mekelleden çigende.  



Bäyläneşle xäbärlär