Här yort yanına - 3 ağaç

Ruandada qorılıq yanawı astında bulğan cirleklärgä 43 million üsente utırtu kampaniyäse başlandı. Tirä-yün’ moxit ministrı Janna d’Ark Mudjavamariya monıñ çülgä äwerelüne tuqtatu maqsatınnan êşlänüen citkerde. Ul här yortnıñ yanına kimendä 3 ağaç utırtırğa niyätläwlären äytte.

Kampaniyä qorılıq yanawçı cirleklärdä tormışqa aşırılaçaq. Proyekt öçen 50 million dollar bülenä. Anıñ yärdämendä distälägän meñ gektar mäydannıñ qotqarıluı planlaştırıla.

Ruanda 2030nçı yılğa qadär 2 million gektar mäydannı torğızırğa uylıy.

Bik küp Afrika däwläte klimat üzgärüneñ naçar täêsirenä duçar buldı. Alar soñı yıllardağı qorılıq häm çülgä äwerelüne kirtäläw öçen yäşelländerü kampaniyäläre oyıştıra.

Êfiopiyä bıyıl yañğır çorı buyınça ilneñ här yağında 6 milliard üsente utırtaçağın beldergän ide.