YUNİSEF 1 yıl êçendä Yämändäge 17 meňnän kübräk migrant ğailäsenä yärdäm kürsätte

Yärdämnär nigezdä azıq  - tölektän tora

1706619
YUNİSEF 1 yıl êçendä Yämändäge 17 meňnän kübräk migrant ğailäsenä yärdäm kürsätte

Berläşkän Millätlär Oyışmasınıň Balalarğa yärdäm itü fondı YUNİSEF 1 yıl êçendä Yämändäge 17 meňnän kübräk migrant ğailäsenä yärdäm kürsätelüen belderde.

YUNİSEFnıň Yämän ofisı tvitter akkauntında “Uzğan yılnıň sentyabrennän bıyılnıň avgustına qadär YUNİSEF il êçendä yäşägän cirlären almaştırğan 17 meň 500 dän artıq ğailäne tormışların saqlap qaluçı yärdäm häm çista su belän täêmin itte” dip yazdı.

Anda äytelgänçä, yärdäm Kön’yaq Koreya yärdäme belän Xacce häm Xudayde şähärlärendä taratılğan.

Yärdämnär nigezdä citärlek däräcädä tuqlana almağan balalar öçen äzerlängän azıq  - tölektän tora.

Ozaq waqıt säyäsi totrıqsızlıq xökem sörgän Yämändä İran yaqlawındağı husilär belän xökümätkä bäyle köçlär arasında bäreleşlär bula.

Berläşkän Millätlär Oyışması mäğ’lümatlarına qarağanda, Yämändä xalıqnıň 80%ı gumanitar yärdämgä häm yaqlawğa moxtac.



Bäyläneşle xäbärlär