“ Bu êpidemiya – vakśina qadatmawçılar êpidemiyäse”
AQŞ ilbaşı Djo Bayden bu xaqta matbuğat oçraşuında belderde
Amerika Quşma Ştatları ilbaşı Djo Bayden Aq Yorttağı matbuğat oçraşuında Kovid -19 belän köräş qısalarında qabul itelgän yaña çaralarnı açıqladı.
Ul koronavirus taralmasın öçen vakśina kebek köçle qoral barlığına basım yasadı häm “AQŞta 80 million keşeneñ äle haman da privivka yasatmağanın kürü - küñelsez xäl” dide.
Djo Bayden Del’ta variantı arqasında ilneñ awır könnär kiçerüen belderep, “ Bu êpidemiya – vakśina qadatmawçılar êpidemiyäse” dide.
Bayden yaña qararnamä belän vakśina mäcbirilegeneñ barlıq federal’ häm sälamätlek saqlaw xezmätkärläre belän 100 dän kübräk personalı bulğan êş urınnarındağı xezmätkärlärne üz êçenä alaçaq räweştä kinäyteläçägen äytte.
“Vakśina yasatu – şäxsi irek tügel, äylänä –tirägezne saqlaw” dide AQŞ ilbaşı.
Ul äle dä vakśina qadatmawçılarğa möräcäğät’ itep, ” Privivka yasatu öçen närsä kötäsez? Döres bulğannı êşlägez häm vakśina yasatığız”dide.
Bayden, kiräkle çaralar kürep, mäktäpläne açıq totu öçen bar köçlären quyaçaqlarına basım yasadı.
