Bötendönya parlament başlıqları konferenśiyası başlandı

Törkiyä Böyek Millät Mäclese başlığı Mostafa Şäntop konferenśiyädä Törkiyäne wäkillek itä.

Konferenśiyanıñ açılış çığışın yasawçı PAB Başlığı Duarte Pacheco, yaña tör koronavirus (Kovid-19) kizüe arqasında 2021nçe yılda 4 millionnan kübräk keşeneñ wafat buluın xäterlätep: "Fäqirlek belän bay häm fäqir arasındağı upqın da tora-bara arttı häm, qızğanıç, tigezsezlek tä arta”, - dip äytte.

Gvineyadağı xärbi tüntäreleşkä dä tuqtalıp uzuçı Pacheco: "Köç belän töp qanunnıñ üzgärtelüenä bez qarşı. Parlamentlarara Berlek Gvineyadağı xalıq ışanıçlılarınıñ ğomerläre öçen borçıla”, - dip äytte.

Pacheco dönyanıñ qar körte kebek üskän terror qurqınıçı häm qırıslıqqa iyä çiktän tış xäräkätlärgä duçar buluın belderde.

Klimat üzgäreşläre belän köräş çaqıruın yasawçı Pacheco: "Bez klimat krizisına tamaşaçı bulıp qına qala almıybız. Çönki parlament başlıqları bularaq bez närsäder üzgärtä alu köçenä iyä. Xäzerge wazğiyätne üzgärtä alabız, üzgärtergä tiyeşbez”, - dip äytte.