Vakśina qadatqaç - ülde
Yaponiyädä Moderna vakśinası belän 2 keşeneñ üleme arasında bäyläneş tikşerelä
1702654
Yaponiyädä ike keşeneñ Moderna seriyäsennän koronavirus vakśinası qadağannan soñ küpmeder waqıt uzğaç ülüläre belderelde. İlneñ sälamätlek saqlaw ministrlığı uzğan atnada preparatnı qullanunı tuqtatqan bulğan inde. Vakśinanıñ şeşälärendä pıçranu kürenä, qayberlärendä isä çit matdä tabıla. Şunnan soñ ministrlıq qullanılmağan 1 million 600 meñ doza preparatnı kire cıyıp alu qararı çığara.
Kovid-19 vakśinaları öçen cawaplı ministrlıq äğ’zası Kono Taro bu xaqtağı belderüendä pıçranğan seriyädän yaqınça 500 meñ dozadan artığınıñ qadaluın belderde.
Modernanı qullanğannan soñ küpmeder waqıt uzğaç ülgän ike keşeneñ wafatı belän vakśina arasındağı bäyläneş älegä täğayenlänmägän.
