Tokio Olimpiadasında çüpkä atılğan rizıqlar

Tokio Olimpiya uyınnarı oyıştıru komitetı çaralarda êşläwçelär häm volontyerlar öçen aldan äzerlängän yaqınça 130 meñ sawıt rizıqnıñ çüpkä atıluın belderde.

Başta turnirnıñ 23nçe iyül’dä bulğan açılış tantanasına aldan zakaz birelgän 10 meñ porśiyä aşaw-êçüneñ atıluı turında cämğıyät’tä tänqıyt’lär yañğıradı. Şunnan soñ komitet bu mäs’äläne tikşerä başladı.  Anda Tokio êçendä häm tışında 42 urında ütkärelgän turnirlarda aşalğan rizıqlarnıñ külämen qaradılar. Näticädä, äzerlek çorı häm yarışlar waqıtında 20 noqtada xezmät kürsätkän êşçelär häm volontyerlar öçen äzerlängän yaqınça 130 meñ rizıqnıñ çüpkä atıluı bilgele buldı.

Komitet wäkile Takaya Masanori matbuğat cıyılışında atılğan rizıq külämen tulısınça kimetep bulmawın belderde. Ul älege problemanıñ 24nçe avgusttan 5nçe sentyabr’gä qadär barğan Paralimpiya uyınnarında da bula aluın farazladı.