Putin: “AQŞnıñ Äfganstannan çigenüennän soñ humanitar fälakät yäşände”

Rusiyä İlbaşı Vladimir Putin Amerika Quşma Ştatları köçläreneñ Äfganstannan çigenüennän soñ bu ildä humanitar fäläkätneñ yäşänüen belderde

1702101
Putin: “AQŞnıñ Äfganstannan çigenüennän soñ humanitar fälakät yäşände”

Putin Rusiyäneñ Vladivostok şähärendä oyıştırılğan Könçığış iq’tisad forumında Äfğanstandağı soñğı täräqqiyätlärne bäyäläde.

AQŞ häm başqa Könbatış köçläreneñ Äfğanstannan çigenüennän soñ kiräkle sabaqnıñ alınuı zarurlığın äytüçe Putin: "Äfğanstanğa kerülären häm küp sanda xata yasawların äytälär. Xäzer şuşındıy uq xatalarnı başqa illärgä qarata yasıylar. Sankśiyälär närsä ul? Ber ilneñ üz qağidälären başqa ilgä bäyläw tırışuı häm monı dönyanıñ törle illärenä qarata däwam itälär. Ägär çınnan da xatalarınnan möhim sabaqlar alsalar ul çaqta dönya säyäsätendä üzgäreşlär kürä alırbız”, - dip belderde.

AQŞnıñ Äfğanstandağı macaraları öçen 1,5 trillion dollardan kübräk aqça sarıf itüenä iğ’tibarnı yünältüçe Putin: "Amerikalılar bik pragmatik keşelär, läkin bu xätle çığımnardan soñ näticä nindi buldı? Äfğanstanda AQŞ häm berlektäşläre öçen êşlägän häm taşlanğan keşelärneñ sanına qarasağız, bu humanitar fäläkät”, - dip äytte.

Demokratiyanıñ illärgä köç qullanıp bäyläwneñ qabul itelmäs buluın añlatuçı Putin: "Qayberäwlärneñ demokratiyağa ixtıyacı bulsa, xalıq moña üzlegennän qararğa kiler, qırıslıqqa möräcäğät itärgä kiräk yuq”, - dip iskärtep uzdı.

Putin Rusiyäneñ Äfğanstannıñ bülenüen yaqlamawın citkerep: "Äfğanstan bülensä bez kem belän êş itäçäkbez? Rusiyäneñ “Taliban”nıñ böten Äfğanstannı diyärlek kontrol’ itüe çınbarlığına tayanuı kiräk. “Taliban” grajdanlıq cämğiyätenä ni çaqlı tiz qabul itelsä, anıñ belän êlemtägä kerü, täêsir itü, qayber sorawlar birü häm grajdanlıq cämğiyäteneñ qağidälären añlatu ul qadär ciñel bulır. “Taliban” xökümäteneñ tanıluı öçen açıqlawlarınnan tış yasalğan adımnarınıñ bäyälänelüe zarur”, - dip äytte.



Bäyläneşle xäbärlär