Ğaläm stanśiyäse yarıla başlağan

“Yarıqlar waqıt uzğan sayın kiñäyäçäk,” - di belgeçlär

1700153
Ğaläm stanśiyäse yarıla başlağan

Rusiyä kosmonavtları Xalıqara ğaläm stanśiyäseneñ Zarya modulendä yarıqlar barlığın açıqladı. Raketa häm ğaläm şirkäte Ênergiyanıñ baş injenerı Vladimir Solov’yev RİA xäbär agentlığına monıñ bik naçar buluın citkerde. “Yarıqlar waqıt uzğan sayın kiñäyäçäk,”-dide ul.

Älege yarıqlarnıñ kislorodnıñ tışqa sarquına säbäpçe buluı belän bäyle mäğ’lümat birelmäde.

Ğaläm wäqalätlese monnan alda Xalıqara stanśiyädäge cihazlarnıñ kübeseneñ iskerä başlawın häm 2025nçe yıldan soñ watılularnıñ yış bulaçağın beldergän ide.

Ğaläm stanśiyäse soñğı waqıtlarda berniçä waqıyğağa duçar buldı. Rusiyä wäqalätleläre äytüençä, uzğan ayda ber programmalaştıru bozılu häm keşe xatasınnan kilep çıqqan soñğa qalu - stanśiyäneñ kontrol’dän çığuına kitergän.

Rusiyä tikşerenü modüle Naukadağı reaktiv trosterlar ğaläm stanśiyäsenä yaqınlaşqannan soñ berniçä säğat’ uzuğa qabat qabına häm oçış urınınnan çığa.



Bäyläneşle xäbärlär