AQŞ: Kovid-19nıñ biologik qoral buluına ışanmıybız

AQŞnıñ küzläw oyışmaları 3 aylıq tikşerenüläreneñ näticäsen täq'dim itte

1698777
AQŞ: Kovid-19nıñ biologik qoral buluına ışanmıybız

AQŞnıñ küzläw oyışmaları ilbaşı Djo Baydennıñ kürsätmäse belän 90 könlek tikşerenüdän soñ koronavirusnıñ kilep çığışı belän bäyle xisap xäzerläde. Anda Kovid-19nıñ tamırı turında urtaq näticägä kilä almawları, ämma anıñ biologik qoral bularaq uylap tabıluına ışanmawları assızıqlana.

Älege xisapnıñ ber öleşen cämäğat’çelekkä citkerdelär. Anda äytelgänçä, virusnıñ xaywannan keşegä küçüenä dälillär yuq, kizüneñ laboratoriyädän çığu ixtimalı – urta däräcädä. Xisapta barlıq küzläw oyışmalarınıñ virusnıñ biologik qoral bularaq yasaluın kire qağuları äytelä.  

AQŞ häm xalıqara cämäğat’çelekneñ koronavirusnıñ kilep çığışın tikşerü êşendä iñ zur kirtä – Qıtay. Xisapta bu assızıqlana.  

AQŞ ilbaşı Djo Bayden, belderü yasap, ildä yözlägän meñ keşeneñ ğomeren özgän Kovid-19nıñ tamırın tapqanğa qadär tınıçlap yoqlıy almayaçaqların äytte. Ul bu tikşerenü êşenä tayaq tığuçı Qıtaynı tänqıyt’läde.



Bäyläneşle xäbärlär