Qabuldağı şartlawlar aldan bilgele bulğan

Äfğanstannıñ başqalası Qabuldağı Xamid Karzai xalıqara aêroportındağı terrorçı höcümendä ğomere özelüçelärneñ sanı 110ğa citte. Yaralanuçılar 150dän artıq.

Ülüçelärdän 13e Amerika ğaskäriye.

Taliban üz yuğaltuların 28 bularaq belderde.

Süz uñayınnan, könbatışlı ber iminlek wäqalätlese, höcümnärdän soñ grajdanlılarnı ildän êvakuaśiyäläwneñ tizlätelüen häm oçışlarnıñ tärtip belän başqarıluın citkerde.

Kiçä kiçke yaqta Qabulnıñ Xamid Barzai xalıqara aêroportı yanında 2 ayırım şartlaw buldı. Höcümnärne DEAŞ terrorçı oyışması yasadı.

Bik küp däwlät häm Taliban älege höcümnärne ğayepläde.

AQŞ ilbaşı Djo Bayden şartlatunı oyıştıruçılarnı êzläyäçäklären belderep üç alırğa ant itte. Ul höcümnärneñ DEAŞnıñ Xorasan törkeme tarafınnan yasaluın äytte. Bayden äytüençä¸ küzläw oyışmaları soñğı atnalarda alarnıñ Qabuldağı aêroportqa höcüm itäçäge turında xäbärlär birgän bulğan. Şul säbäple ul Äfğanstandağı missiyälären 31nçe avgustqa qadär beterergä qarar qıluların citkerde.