Putin - İmran Xan söyläşüe

Rusiyä däwlät başlığı Vladimir Putin Paqıstan prem’yer-ministrı İmran Xan belän Äfğanstandağı wazğıyät’ne söyläşte.

Kreml’dan yasalğan açıqlawğa kürä Putin häm Xan telefonnan söyläşü ütkärde.

Äfğanstan mäs’äläse qaralğan söyläşüdä bu ildä tınıçlıq häm iminlekneñ xuplanuı, qırıslıqnıñ buldırılmawı häm barlıq cämğıyät’ törkemnäreneñ mänfäğa’lären küz aldında totaçaq xökümät qoru maqsatı belän äfğannar arasında dialog urnaşıru zarurlığınıñ ähämiyäte assızıqlandı.

Vladimir Putin belän İmran Xan Äfğanstan mäs’äläläse belän bäyle totışlarnıñ ike häm küp yaqlı formatlarda koordinaŝiyalänüe mäs’äläsendä urtaq fikergä kilde.

Söyläşüdä şulay uq Şanxay xezmättäşlek oyışmasınıñ regional iminlek urnaşıru häm terrorçılıq belän narkobizneska qarşı köräş mäs’äläsendä mömkinleklären qullanuı zarurlığı citkerelde.

Söyläşüdä Rusiyä häm Paqıstan arasındağı mönäsäbätlär dä quzğatıldı.