Kilauêa atarğa mömkin

Gavayidağı Kilauêa yanartawında bik küp sanda cir teträw terkälde. Ul tönge säğat’lärdä başlana häm irtängä qadär däwam itä.

Gavayi vulkan observatoriyäsennän belderülärençä, teträwlär bernindi şartlaw da kiterep çığarmağan. Zilzilälärneñ iñ köçlese 3,3 ball zurlığında bula, kübeseneñ köçe 1 balldan da azraq. Barlığı 140 teträw terkälgän.

Ğalimnär teträwlär waqıtında yanartawnıñ öslegendä üzgäreşlär kürep ala. Bu vulkannıñ kön’yaq öleşendä magmanıñ xäräkät itüen kürsätergä mömkin.

Belgeçlär yanartawdağı xäwef signalın “küzätü” däräcäsennän “kisätü”gä kütärde.

Kilauêa – dön’yadağı aktiv vulkannarnıñ berse. Anda 1983nçe yıldan birle şartlawlar bulıp tora.