Yäş' waqıtta êçüçelärgä ni yanıy?

Yäş’ waqıtta alkogol’ qullanu qan tamırlarınıñ irtä qartayuına kiterä.

Awrupa kardiologiya cämğıyäteneñ 2021nçe yılğı kongressında bu xaqta X’yugo Uolford çığış yasadı. Anıñ xezmäte niqadär kübräk alkoğol’ êçelsä – arteriyälärneñ şulqadär qatılaşuın isbatlıy. Bilgele bulğança, qan tamırları waqıt uzğan sayın êlastiklığın yuğaltıp tağın da qatı xälgä kilä häm bu yöräk awıruları, paraliç şikelle yanawlarnı arttıra.

Monnan aldağı tikşerenülär dä tämäke häm alkogol’ qullanu kebek naçar ğadätlärneñ qan tamırları qatılaşu prośessın tizlätä aluın kürsätkän ide. Bu yulı isä yäşüsmer çorınnan baliğ’lıqqa küçeş bulğan 17-24 yäş’ arasında yış isertkeç êçemlek êçüneñ qan tamırlarına zıyanın qarıylar.   

Tikşerenüdä 1655 keşe qatnaşa. Alarnı törle däräcädä alkogol’ häm tämäke qullanularına qarap kategoriyälärgä bülälär.