Su basuda ülüçelär arttı

Amerika Quşma Ştatlarınıñ Tennesi ştatındağı köçle yawım-töşemnӓr kiterep çığarğan su basuda yuğaluçı sanı 50gӓ citte.

Tennesida atna azağında küzӓtelgӓn afӓttӓ kim digӓndӓ 22 keşeneñ ğomere özelde, ştat rӓsmi zatları yuğaluçılar sanınıñ 50 buluın citkerde.

Milli hawa xezmӓte beldergӓnçӓ kötelgӓnnӓn 3 tapqırğa kübrӓk yañğır yawğan töbӓktӓ yullar, telefon hӓm êlektr liniyalare zıyan kürde.

Ğadӓttӓn tış xӓl xezmӓtkӓrlӓre hӓr öygӓ kerep, afӓttӓ zıyan kürüçelӓrgӓ ireşergӓ tırışa.

Su basu küzӓtelgӓn töbӓktӓ ülüçelӓr arasında 7 aylıq igezӓklӓr dӓ bar.

Xamfris rayonı Şerif ofisı sośial’ media çeltӓrendӓ açıqlaw yasap, 7 aylıq bӓbilӓrneñ su basudan qaçqan ӓtilӓre qulınnan töşep, su belӓn ağıp kitülӓren ӓytte.

Qayğılı ğailӓgӓ cӓnaza öçen yӓrdӓm kampaniyase başlatıldı.