Rusiyä: Äfğanstanda wäzğıyät’ totrıqlı

Rusiyä tışqı êşlär ministrlığı Taliban belän söyläşülär başlawın belderde

1692367
Rusiyä: Äfğanstanda wäzğıyät’ totrıqlı

Rusiyä tışqı êşlär ministrlığı Äfğanstandağı wäzğıyät’neñ totrıqlılıqqa ireşüen belderde. Ministrlıqtan yasalğan yazmaça belderüdä Äfğanstanda Talibannıñ xakimiyätne qulğa töşerüennän soñğı xälne küzätep baruları citkerelde.   

“Qulıbızdağı mäğ’lümatqa qarağanda, başqala Qabul häm tulayım Äfğanstanda wäzğıyät’ totrıqlı. Taliban däwlät tärtiben täêmin itä başladı häm cirle watandaşlar belän çit il diplomatik missiyäläreneñ iminlegen garantiya astına aluın rasladı. Äfğanstandağı barlıq yaqlarnı köç qullanudan tayçınırğa häm wäzğıyät’neñ tınıçlıq yulı belän çişelüenä yärdäm itägä çaqırabız,”- diyelä belderüdä.

Anda äytelgänçä, Rusiyäneñ Qabuldağı ilçelege êşçänlegen däwam itäçäk. Äfğanstandağı yaña xökümät wäkilläre belän söyläşülär başlanğan.



Bäyläneşle xäbärlär