Gaitidağı cirteträwdä ülüçelär sanı arta

Şimbä könne Gaitida bulğan 7,2 ball zurlığındağı cirteträwdä ğomeren yuğaltqan keşelär sanı 1 meñ 297 gä citkän.

Räsmi zatlar ildä zur cimerelü bulğanın , êzläw – qotqaru êşçänlekläreneñ däwam itüen belderä.

Gaiti grajdannar saqlanu agentlığı cirteträwdä xäzergä qadär 1 meñ 297 keşeneñ ğomere özelüen, 5 meñ 700 keşeneñ cäräxätlänüen xäbär itä.

İl xökümäte xalıqara yärdäm sorıy.  

Gaiti prem’yer-mnistrı Ariêl’ Genri cirteträwneñ zur zıyan kiterüen , ildä 1 aylıq ğadättän tış xäl iğ’lan itelüen beldergän ide.