AQŞ yanğınnar belän köräşä
Yaqınça 210 meñ gektarlık urman mäydanı kölgä äylände
1691394
AQŞnıñ Kaliforniya ştatında Diksi isemle yanğında yaqınça 210 meñ gektarlık urman mäydanı kölgä äylände.
Kaliforniyaneñ tön’yaq-könbatışında 13 avgustta başlanğan häm haman da däwam itüçe yanğında ut yalqınnarınıñ älegä 31%lık öleşe sünderelde.
Tokio zurlığındağı mäydannı yuqq çığarğan yanğınnı sünderü öçen 6 meñnän artıq yanğın sünderüçe tir tügä.
Töbäktä küzätelgän kük kükräwle dawıl da yanğın sünderüçelärneñ êşen awırlaştıra häm Kaliforniyaneñ tön’yağında yaña yanğınnarnıñ çığu qurqınıçın arttıra.
Yanğınnarnıñ çığu säbäbe älegä bilgesez.
İlneñ könbatışında çıqqan yanğınnar töbäktäge ştatlarda hawa kerlelege däräcäsen kütärde.