Kiçekmästän kitegez

Amerika Quşma Ştatlarınıñ Qabuldağı ilçelege Äfğanstandağı watandaşların, iminleklärenä qurqınıç yanaw arqasında, kiçekmästän ildän kitärgä öndäde. Kisätü diplomatik missiyäneñ internet säxifäsendä çıqtı. Anda AQŞ watandaşlarına uñaylı kommerśiyä reysların qullanıp tizräk kitärgä quşıla.  Bilet alu mömkinlege bulmawçılarnı ilçelek belän êlemtägä kerergä çaqıralar.  

Belderüdä iminlek xäle häm xezmätkär sanı az bulu säbäple ilçelekneñ watandaşlarğa yärdäm itü mömkinlegeneñ bik çikle buluına da iğ’tibar cälep itelä.