Meksika AQŞ şirkätlären mäxkämägä birde

Alarnı qanunsız qoral satuğa öleş kertep ülemnärgä säbäpçe buluda ğayeplilär

1688341
Meksika AQŞ şirkätlären mäxkämägä birde

Meksika xökümäte Amerika Quşma Ştatlarınıñ iñ zur qoral citeşterüçeläreneñ qayberlärenä qarata däğ’wa başladı. Alarnı qanunsız qoral satuğa öleş kertep ülemnärgä säbäpçe buluda ğayeplilär. Meksika kompensaśiyä bularaq 10 milliard dollar taläp itä.

AQŞnıñ Massaçusets ştatında başlanğan xökem êşe turında şirkätlär älegä ber belderü dä yasamadı.

Şiqayät’tä äytelgänçä, Meksika xökümäte ildäge narkotik kartel’läre häm başqa cinayät’çelärneñ qanunsız säwdäsen aktiv räweştä caylaştırğan prośessnı tuqtatırğa teli.

Tışqı êşlär ministrlığınıñ şiqayät’ belän bäyle ber dokumentında isä mondıy yullar bar: “Qoral çığaruçılar tovarlarınıñ kontrabandada häm Meksikanıñ tınıç xalqı belän wäqalätlelärenä qarşı qanunsız êşçänlektä qullanıluın belä”.

Matbuğat çaraları yazğança, Meksika xökümäte ilgä kontrabanda belän kergän qorallarnıñ yaqınça 70%ınıñ AQŞtan kilüen farazlıy. Barı 2019nçı yılda ğına da Meksikada 17 meñnän artıq üterü qanunsız yullar belän alınğan qorallarğa bäyle bula.



Bäyläneşle xäbärlär