Garajında 1943nçe yılğı tanknı yäşerep totqan

Germaniyäneñ tön’yağındağı Xaykendorf şähärendä yäşäwçe ber keşeneñ garajınnan faşistlar çorındağı Panter tankı çıqtı. Anıñ 1943nçe yılğı buluı açıqlandı.

İseme belderelmägän älege keşegä suğış qoralların kontrol’dä totu qanunın bozğanı öçen 400 meñ dollar ştraf salındı. Garajda, monnan tış, ber zenit tubı, törle mıltıqlar häm pistoletlar da tabıldı.

84 yäş’lek qartqa başqa faşistlar çorı qoralları öçen 14 ay şartlı räweştä törmä dä bilgelände.

50 meñ kilo awırlığında häm 6,7 metr ozınlığındağı tanknı garajdan çığaru öçen 9 säğat’ kiräk bula.

Qartnıñ advokatı tanknıñ watıq buluın häm metallolom öçen satıp alınuın söyli, ämma cirlektäge wäqalätlelär monıñ yalğan buluın belderä. Mêr Aleksandr Ort anıñ 1978nçe yıldağı qar fälakäte waqıtında uramğa tank belän çığuın äytä.

İkençe Bötendön’ya suğışı waqıtında Panter tankları qalın köbäse säbäple nemeślarnıñ küz östendäge qaşı sıman ide. Xätta Rusiyä häm Amerika armiyäsenä qarşı tağın da kübräk Panter yasalsa, Gitlernıñ suğışta ciñä aluı turında da süzlär buldı.

Süz uñayınnan, AQŞtağı ber muzey qart keşeneñ garajınnan çıqqan Panter tankın satıp alu belän qızıqsına.