Afrika Berlege vakśina tarata başladı

Afrika vakśina täêminatı waqıfı ber dozalı Djonson häm Djonson vakśinaları öçen 28nçe martta kileşü tözede

1686246
Afrika Berlege vakśina tarata başladı

Afrika Berlege Amerika farmaśevtika şirkäte Djonson häm Djonsonnan alğan koronavirus vakśinaların tarata başladı.

Kön’yaq Afrika ilbaşı Siril Ramafosa beldergänçä, preparatlarnı ay sayın cibärü bügennän başlana.

Afrika vakśina täêminatı waqıfı ber dozalı Djonson häm Djonson vakśinaları öçen 28nçe martta kileşü tözede. Ul barlığı 400 million dozağa isäplängän.

Bügen bik küp Afrika Berlege däwläte berençe partiyä vakśinasın alaçaq. Bu ayda barlığı 6,4 million doza taratılaçaq. Dekabr’ axırına qadär 50 million doza vakśinanı cibärü küzdä totıla.

Preparatlarnıñ ber öleşe Djonson häm Djonsonnıñ Kön’yaq Afrikadağı ob’yektında citeşterelgän.

Qıytğadağı däwlätlärgä moña qadär 103,5 million doza vakśina taratıldı. Alarnıñ kübese Kovid-19 vakśinları dön’yaküläm programması qısalarında cibärelgän.

Afrikada koronavirus yoqtıru oçraqları 6,9 millionnan artıq. Virus säbäple 174 meñ keşeneñ ğomere özelde.



Bäyläneşle xäbärlär