Urlanğan uquçılar öçen - 2,4 million dollar

Nigeriyada qorallı keşelär urlağan uquçılarnıñ irekkä cibärelüe öçen 7 ayda 2 million yarım dollarğa yaqın aqça tülände.

“Punch” gazetınıñ xäbärenä qarağanda, milli iminlek xisabında ilneñ citdi qurqınıçsızlıq problemaları xaqında äytelä.

Nigeriyanıñ tön’yaq-könbatışında uzğan yılnıñ noyabrennän bıyılnıñ mayına qadär qorallı keşelär oyıştırğan 5 ayırım höcümdä urlanğan uquçılar öçen 2 million 400 meñ dollar tülängän. Nigeriyä xökümäte isä irekkä cibärelgän balalar öçen aqça birmäwen belderde.

İldä soñğı waqıtlarda qorallı keşelärneñ motośikllar belän höcüm itüe säbäple qayber töbäklärdä älege texnikanı qullanu tıyıldı.

Nigeriyäneñ Benuê, Plato, Katsina häm Zamfara cirleklärendä berniçä tapqır uquçılarnı mäktäptän urladılar. Şul säbäple qayber töbäklärdä belem birü tuqtatılıp tordı.