Çik buyında qarawçısız balalar
Amerika belän Meksika çigendä berkeme bulmağan balalar sanı bik nıq arttı
1684852
Amerika Quşma Ştatlarınıñ Meksika çigendä iyül’ ayında 19 meñnän artıq qarawçısız bala êläkterelgän.
Bu xaqta AQŞ êçke iminlek ministrlığına bäyle çik häm migraśiya säyäsäte bülegeneñ yuğarı wäqalätlelärennän berse Dêvid Şaxulyan belderde. Anıñ äytüençä, ike il çigendä totqarlanğan qarawçısız bala sanı uzğan ayda iñ yuğarı däräcägä citkän. Martta älege kürsätkeç 18 meñ 877 bularaq terkälgän.
Ğailäse belän çiktä êläkterelgännärneñ sanı isä iyül’dä 80 meñ tiräse. Bu da xäzergä qadär terkälgän iñ yuğarı ikençe san. May ayında älege san 88 meñ 857 ide häm älegä qadär ul iñ yuğarı kürsätkeç bulıp qala.
