Rusiyädä urman yanğınnarı

Rusiyäneñ könçığışındağı urman yanğınnarı belän köräş däwam itä.

İlneñ federal’ urman agentlığınnan belderelgänçä, 36 noqtada ut kontrol’ astına alınğan.

“Avgust başında 217 noqtada tulayım 837 meñ 813 gektar mäydanda urman yanğınnarı däwam itä. Alarnıñ 115e Yakutiyädä, 51 İrkutski töbägendä” diyelä belderüdä.

Yanğınnı sünderü öçen yaqınça 5 meñ keşe häm yözlärçä texnika êşçänlek alıp bara.

Rusiyäneñ Seber töbägendä iyül’dä başlanğan yanğınnarda bügengä qadär yaqınça 1,3 million gektar urman kölgä äwerelgän. Wäqalätlelär cirlektä ğadättän tış xäl iğ’lan itte.