Afrikada vakśinalaştıru başlamağan ber genä il qaldı

Koronavirus belän köräş qısalarında Afrika qıytğasında vakśina qadaw êşçänleklärenä älegä kereşmägän berdänber däwlät – Êritreya. Tanzaniyada 28nçe iyül’dä vakśinalaştıru başlandı. Burundi da preparatlarnı qadıy başlayaçağın xäbär itte.  

Süz uñayınnan, Bötendön’ya sälamätlek saqlaw oyışmasınıñ Afrika ofisı citkergänçä, qıytğa xalqınıñ barı 1,6%ı tulısınça vakśinalaştırılğan.

Xisapqa qarağanda, Seyşel utrawları xalqınıñ 68%ınnan artığına preparat qadalğan, Mavrikiyda isä bu san 33%, Marokkoda – 26%. Bu Afrikada iñ yuğarı kürsätkeçkä ireşkän däwlätlär.

Êritreyada bügengä qadär koronavirustan 35 keşeneñ ğomere özelde. Kizü başlanğannan birle 6 meñ 547 keşedä virus raslandı.