Yaponiyädä koronavirus çikläwläre qabat kertelä

İldä tağın 4 töbäktä ğadättän tış xäl kertelde

1683143
Yaponiyädä koronavirus çikläwläre qabat kertelä

Yaponiyädä koronavirus belän köräş qısalarında Tokioda däwam itüçe ğadättän tış xäl qısalarına 4 töbäk tağın östälde. Xökümät räise Suga Yoşixide matbuğat cıyılışında beldergänçä, soñğı könnärdä Kovid-19 oçraqları artu säbäple çaralar kürü kiräk. Ul virusnıñ Del’ta variantı taraluğa iğ’tibar cälep itte.

“Tokio häm Kansay töbägendä Kovid-19 oçraqları monnan alda kürelmägän däräcädä arttı,”-di xökümät räise.

Suga soñğı 2 köndä rekord däräcädä terkälgän yoqtıru oçraqları belän 23nçe iyül’dä açılğan Tokio Olimpiya uyınnarı arasında bäyläneş bulu farazların kire qaqtı. Ul xalıqnı yarışlarnı öylärennän küzätergä çaqırdı.

Xökümät räise äytüençä, avgust axırına qadär il xalqınıñ 40 %ına ike doza vakśina yasawnı maqsat itep quyalar. Ul däwlätkä bäyle Kovid-19 kiñäşçe törkeme birgän raslawdan soñ ğadättän tış xäl qısalarına tağın 4 töbäkneñ östälüen belderde. Çikläwlär atna başında ğamälgä keräçäk häm avgust axırına qadär däwam itäçäk.



Bäyläneşle xäbärlär