Yaponiyada êsselektän 23 keşe ülgän

Yaponiyada êsselek näticäsendä soňğı 1 atnada 23 keşeneň ğomere özelgän.

Yanğın häm afätlär belän idarä itü agentlığı xäbär itkänçä, uzğan atnada (19 – 25 iyül’) qoyaş häm êsse suğu arqasında 8 meň 122 keşe xastaxanägä salınğan.

Alardan 23 e wafat bulğan, 3 meňnän kübrägeneň xälläre awır.

Xastaxanägä salınğannarnıň yartısınnan kübräge 65 yäş’tän uzğan keşelär,  2 meň 627 keşe 18 – 64 yäş’tä, 800 keşe 17 yäş’kä qadärgelär.  

Belgeçlär hawa temperaturası 28 gradusqa yäki dımlılıq 70%qa citkäç cillätü caylanmaları qullanırğa kiňäş itälär.