Ximik ob'yekttağı şartlawda ülüçelär sanı arttı

Êzläw-qotqaru êşläre däwam itä

1681664
Ximik ob'yekttağı şartlawda ülüçelär sanı arttı

Germaniyäneñ Leverkusen şähärendä ber ximik ob’yektnıñ qatı atıq yandıru bülegendä kiçä bulğan şartlawda ülüçelärneñ sanı arttı. Kurrenta şirkätennän belderülärençä, hälaq buluçılar 2gä citte. Şulay uq, 31 keşeneñ yaralanuı, 5 keşeneñ yuqqa çığuı da bilgele. Êzläw-qotqaru êşläre däwam itä. Yuğalğan keşelärneñ berse ob’yektta êşläwçe Ärdoğan S. isemle törek.

Tön’yaq Reyn-Vestfaliya töbägeneñ êçke êşlär ministrı Gerbert Reul şartlawnıñ säbäbe turında älegä berni äytä almawların belderde. Ul yanğın sünderü komandalarınıñ şartlaw zonasında bulğan 100 meñ litr yanuçı ağulı matdä tulı tankernı saqlap, tağın ber zur xäwef-xätärne buldırmıy qaluların citkerde.



Bäyläneşle xäbärlär