"İzrail suğış cinayäte qıldı"
Bu xaqta Keşe xoquqların küzätü oyışması xisabında belderelde
İzrailneň 10 nçı mayda başlatqan häm 11 kön däwam itkän Ğazzägä höcümnäre suğış cinayäte dip bäyälände.
Älege höcümnär 260 fälästinleneň, şul isäptän 129ı tınıç xalıqtan häm 66 sı balalar, ğomeren özde.
Keşe xoquqların küzätü oyışması waqıyğalar turında centekle tikşerü xisabın bastırdı.
Oyışma bu xisapta İzrailneň ğamälläre suğış cinayät’lären täşkil itä digän näticä yasadı.
Xisap bilgeläp ütkänçä, Ğazzägä höcümnär İzrailneň däwam itkän basıp aluınıň ber öleşe.
Oyışmanıň İzrail häm Fälästin direktorı Ömär Şakir :”Bu agressiyäneň kiňräk kontekstqa iyä buluın da aňlarğa kiräk. Waqıyğalar Ğazzä 14 yıl buyı dönyağa yabılğan däwerdä häm basıp alınğan Könçığış Qudüstä fälästinlelärne öylärennän quıp çığaru öçen diskriminaśion omtılışlardan soň tormışqa aştı”,-dide.
