İke Koreya qabat duslaşa

Tön'yaq häm Kön'yaq Koreya arasında 1 yıl buyı êlemtä kanalları yabıq tordı

1680770
İke Koreya qabat duslaşa

Tön’yaq Koreya belän Kön’yaq Koreya arasında soñğı 1 yılda yabıq bulğan êlemtä kanallarınıñ qabat açıluı belderelde. İke ilneñ liderları monıñ öçen aprel’ ayınnan birle yazmaça söyläşü alıp barğan. Nihayät’ anıñ uñay näticä birüe xäbär itelde.

Kön’yaq Koreya ilbaşı ofisınnan belderelgänçä, ike aradağı räsmi êlemtä aktiv xälgä kiterelde. Anda üzara ışanıç nigezendä ikeyaqlı mönäsäbätlärneñ yaqında qabat yaxşıruına ömetlänüläre dä äytelä.

Tön’yaq Koreya däwlät agentlığı da bu räsmi belderüne rasladı.

İke arağa salqın cillär uzğan yıl ütep kergän ide. Kön’yaq Koreya aktivistları Tön’yaq Koreyağa diñgez aşa protest êçtälekle broşyurolar yulladı. Tön’yaq Koreya xökümäte, kürşe däwlätneñ moña qarşı çara kürmäwe säbäple, êlemtä kanalların tuqtatu qararı çığardı.



Bäyläneşle xäbärlär