“3 yaman şeş töre yaqın kiläçäktä yuqqa çığarğa mömkin”

Bötendönya sälamätlek saqlaw oyışması belgeçläre üpkä, bawır häm êçäk yağı yaman şeşlärenä qarşı ciñüneñ bik yaqın buluın belderä.

Belgeçlär üpkä yaman şeşenä qarşı ciñüneñ bik yaqın buluına ışana. Läkin monıñ öçen tämäkedän waz kiçelüe zarur.

Bötendönya sälamätlek saqlaw oyışması belgeçläreneñ bäyäläwenä kürä, keşelär tämäke tartmağan bulsa ide üpkä yaman şeş oçraqlarınıñ 90%ı bulmas ide.

Üpkä yaman şeş awıruı belän bergä belgeçlär aldıbızdağı yıllarda bawır häm êçäk yağı yaman şeşeneñ dä yuqqa çığa aluın telgä ala.

Oyışmanıñ Rusiyä wäkile Melita Vujnovic may axırında xatın-qızlar arasında iñ kiñ taralğan dürtençe yaman şeş töre bularaq qabul itelgän analıq muyını yaman şeş awıruın ciñügä yaqın buluların beldergän ide.

Awırunıñ yaxşı tikşerelgän häm aktiv matdäse bulğan keşe papilloma virusına (HPV) qarşı ışanıçlı häm êffektiv vakśinanıñ qamilläşterelüe açıqlanğan ide.