Rus belgeçläre Törkiyäne maqtadı

Rus belgeçläre Törkiyäneñ xalıqara ölkädä möhim rol’ uynawn belderde.

Rusiyä Tışqı êşlär ministrlığınıñ Diplomatiya Akademiyasenä qarağan Xalıqara könüzäk problemalar institutında “Rusiyä häm Törkiyä: kiçä, bügen, irtägä” isemle tügäräk östäl cıyılışı uzdı.

Xalıqara könüzäk problemalar institutı mödire Oleg Karpoviç Rusiyä häm Törkiyä mönäsäbätläreneñ ähämiyätenä işarät itep: “Törkiyä soñğı waqıtta xalıqara ölkädä möhim rol’ uynıy. Şunıñ öçen Rusiyä häm Törkiyä arasındağı üzara bäyläneş xalıqara mönäsäbätlärdä ähämiyäle kön tärtibenä äylände,” – dide.

Karpoviç Törkiyäneñ Kön’yaq Qavqaz häm Urta Aziyada möhim rol’ uynıy başlawın belderde.

Rusiyädäge Zamança Törkiyä tikşerenüläre üzäge mödire Amur Gadjiyev ta Törkiyäneñ milli mänfäğat’läre öçen êş başqaruın assızıqlap: “Törkiyä soñğı 5 yılda töbäktäge wazğıyäten nığıttı häm kürşe illär östendäge täêsiren arttırdı,” – dide.

Gadjiyev Rusiyä häm Törkiyäneñ Süriyä, Liviya, Çernogoriya mäs’älälären çişüenä iğtibarnı cälep itep, ike yaqlı mönäsäbätlärneñ strategik däräcädä buluın xäterlätte.

Xalıqara könüzäk problemalar institutınıñ Awraziya tikşerenüläre üzäge başlığı Ali Mostafabeyli dä Törkiyä ilbaşı Räcäp Tayyip Ärdoğannı xörmät itüen äytep: “Ärdoğan – köçle lider. Ärdoğan bäysez räweştä êş başqara,” – dide.

Awrupa-Aziya Mädäniyät üzäge başlığı Radik Amirov isä tübändägeçä citkerde: “Geopolitik cähattän Törkiyä bik möhim.”