Qıtay Äfğanstandağı watandaşların êvakuaśiyäläde

Qıtaynıñ Amerika Quşma Ştatları xärbi berlekläre kire çigenü barışın tämamlaw aldınnan Äfğanstannan 210 watandaşın oçqıç belän êvakuaśiyäläwe belderelde

1672773
Qıtay Äfğanstandağı watandaşların êvakuaśiyäläde

Qıtay kommunistlar partiyasınıñ räsmi matbuğat organnarınnan “Global Times” gazetı xäbärenä kürä, “Xiamen” hawa yullarına bäyle oçqıçnıñ 2nçe iyül’dä Äfğanstan başqalası Qabuldan xäräkät itep Qıtaynıñ Hubey provinśiyasındağı Vuhan şähärenä töşüe belderelde.

Hawa yulı şirkäte Qıtay sośial’ mediası “Weibo”dan yasağan belderüendä 2nçe iyül’ könge oçış belän Äfğanstandağı 210 watandaşın êvakuaśiyäläwen qabul itte.

Oçqıçta bulğan 52 keşeneñ yaña tör koronavirus (Kovid-19) testınıñ da uñay çığuı citkerelde.

Qıtay Äfğanstandağı qırıslıq waqıyğalarınıñ artqan buluı borçıluı belän 21nçe iyün’dä watandaşların ildän kitärgä çaqırğan ide.

AQŞ citäkçelege “Taliban” belän 2020nçe yılnıñ 29nçı fevral’ könne kileşügä ireşkän häm 2021nçe yılnıñ 1nçe may könne Äfğanstannan tulısınça çigenäçäge mäs’äläsendä kileşkän ide.

Djo Bayden citäkçelege isä 1nçe maydan başlap 11nçe sentäbr’gä xätle Äfğanstannan tulısınça çigengän bulaçağın beldergän ide.

Bayden Amerikan ğaskäreneñ Äfğanstandağı wazıyfasınıñ 31nçe avgustta betäçägen citkergän ide.

Äfğanstanda tınıçlıq barışı bilgesezlege xökem sörgän bulsa, iminlek köçläre belän “Taliban” arasındağı köçle bäreleşlär däwam itä.

“Taliban” iyün’ ayınıñ soñğı atnasında başlatqan höcümnärdä Üzbäkstan häm Tacikstan çige buyındağı rayonnarnıñ bötesen diyärlek basıp aldı. Üzbäkstanğa açılğan iñ möhim säwdä yünäleşe bulğan Hayratan çik buyı qapqasın 2 yaqtan çolğap alğan “Taliban” kön’yaq-könbatışta isä Gazni vilayätenä yünälde.



Bäyläneşle xäbärlär