Srebreniśada "Tınıçlıq yöreşe" başlandı

Bosniya-Gerśegovinada genośidnıñ 26 yıllığında iskӓ alu çaraları ütkӓrelӓ

1672009
Srebreniśada "Tınıçlıq yöreşe" başlandı

Bosniya-Gerśegovinanıñ könçığışındağı Srebreniśada 1995nçe yılda barlıqqa kilgӓn genośidtan qotılırğa telӓgӓn bosniyalelӓr barğan yulda “Tınıçlıq yöreşe” başlandı.

Serp berleklӓre kim digӓndӓ 8372 bosniyalene ayawsız rӓweştӓ ütergӓn genośidnıñ 26 yıllığında iskӓ alu çaraları ütkӓrelӓ.

Çara qısalarında bıyıl 17nçese oyıştırılğan “Tınıçlıq yöreşe”ndӓ qatnaşuçılar Nezuk şӓhӓrçegennӓn quzğaldı.

1995nçe yılnıñ iyulendӓ barlıqqa kilgӓn küplӓp üterülӓr arqasında xalıq arasında ülem yulı dip tӓ ataluçı urman yulınnan baru 3 kön dӓwam itӓçӓk.

Hӓr kön urtaça 35 çaqrım yöriyӓçӓk qatnaşuçılar 10 iyul’dӓ Potoçari hӓykӓlenӓ kilep citӓçӓk.

Bıyılğı yöreştӓ yaqınça 3 meñ keşe qatnaşa.

Genośidtan isӓn-imin qotıluçılar ӓydӓp baruçı yöreş genośid qorbannarı ruxına doğa uqu belӓn başlandı.

Qatnaşuçılar tönnӓren yul östendӓge lager’larda uzdıraçaq.



Bäyläneşle xäbärlär