Kähwä bawırnı saqlıy

Teläsä-qaysı kähwä tören qullanunıñ xronik bawır awıruların kisätä aluı açıqlandı. Bu Angliyäneñ Sautgempton universitetı belgeçläre uzdırğan tikşerenüdä açıqlandı. Älege fänni êşçänlektä 494 meñ 585 keşeneñ mäğ’lümatları analizlana. Qatnaşuçılar 40 yäş’tän başlap 69ğa qadär. Alarnıñ 384 meñ 818e kähwä êçä, 109 meñ 767 isä bu êçemlekne hiç qullanmıy.

Tikşerenü qısalarında qatnaşuçılarnıñ bawır çirläre 11 yıl buyı küzätep barıla.   

Analiz näticälärenä qarağanda, kähwä êçkän keşelärneñ xronik bawır awıruları häm bawır maylanu belän bäyle çirlär, kähwä êçmäwçelärneke belän çağıştırğanda, 20%qa azraq küzätelä. Monnan tış, älege xuş isle êçemlek bawırğa bäyle ülemnärne 49%qa kimetä.