Livanda balalar aç kileş yoqlıy

Bu xaqta YUNİSEF xisabında äytelä

1668414
Livanda balalar aç kileş yoqlıy

Livandağı balalarnıñ 30%ınnan artığı ildäge iqtisadi krizis häm fäqıyr’lek arqasında aç kileş yoqlıy.

Livannıñ räsmi xäbär agentlığı NNAda urın aluçı xäbärdä YUNİSEFnıñ Livandağı iqtisadi krizisnıñ balalardağı täêsiren tikşerüçe xisap citkerelde.

Xisapta Livandağı ğailälärneñ 77%ınıñ balalarınıñ citärle tuqlanuın täêmin itäçäk azıq-tölege yäisä anı satıp alaçaq kereme bulmawı äytelä häm 60% ğailäneñ burıçqa kerep yäisä cıyılğan tüläwlären tüli almıyça azıq-tölek aluları belderelä.

Xisapqa kürä balalarnıñ 40%ınıñ ğailäsennän berkem dä êşlämi, 30%ınıñ isä ixtıyac toyılğan töp sälamätlek saqlaw xezmäten ala almıy.

YUNİSEF xisabında ayıruça Livan xökümätenä ildäge barlıq balalarğa aşığıç ixtıyaclarnı qanäğat’länderep häm sälamätlek saqlaw xezmätlären kürsätep, soŝial’ yaqlaw çaraların kiñäytergä çaqıru yasaldı. 



Bäyläneşle xäbärlär