Süriyä söyläşüläre kötelä

Koronavirus kizüe arqasında kiçekterelgän Süriyä temalı 16nçı Astana söyläşüläre 7-8nçe iyul’ könnärendä Qazaqstan başqalası Nur Soltanda uzaçaq.

Qazaqstannıñ Tışqı êşlär ministrlığınnan yasalğan açıqlawğa kürä söyläşülärdä garant illär Törkiyä, İran häm Rusiyä wäkillekläre belän ber rättän Süriyädän rejim belän xärbi oppoziŝiya wäkilläre qatnaşaçaq.

Söyläşülärdä Berläşkän Millätlär Oyışmasınıñ maxsus wäkillege belän Yordaniya, Livan häm Ğıyraq küzätüçe bularaq urın alaçaq.

Süriyädäge wazğıyät’, humanitar yärdämnärneñ ireşterelüe, Jenevadağı Süriyä Konstituŝiya komitetı êşçänlekläreneñ qabat başlatıluı, totqınnar belän almaşu, totıqlarnıñ irekkä cibärelüe häm yuğalğan keşelärneñ êzlänüe kebek ışanıç arttıruçı çaralar da söyläşülärdä quzğatılaçaq.