Dön'yadağı iñ zur almazlarnıñ berse tabıldı

1nçe iyün’dä tabılğan 1098 karatlıq taş üz törendä dön’yadağı öçençe iñ zurı bularaq bilgelänä

1659864
Dön'yadağı iñ zur almazlarnıñ berse tabıldı

Kön’yaq Afrika däwläte Botsvanada dön’yadağı öçençe iñ zur almaz tabıldı. Bu xaqta ilneñ almaz şirkäte Debswana citkerde.

Belderüdä äytelgänçä, 1nçe iyün’dä tabılğan 1098 karatlıq taş üz törendä dön’yadağı öçençe iñ zurı bularaq bilgelänä.

Çığarılğan almaznı ilneñ başqalası Gaboroneğa iltep Botsvana däwlät başlığı Mokgvitsi Êrik Keabetsve Masisiğa täq’dim itälär.

Debswana şirkäte ğomum mödire Linett Armstrong tabılğan taşnıñ Botsvana öçen zur ähämiyätkä iyä buluın belderep: “Köräş alıp baruçı millätebezgä ömet birä,”-dide.

Dön’yada xäzergä qadär tabılğan iñ zur almaz - 3106 karatlıq Kullinan 1905nçe yılda Kön’yaq Afrikada çığarıldı.



Bäyläneşle xäbärlär