Atlantik okeannı kiçkän şeşäneñ xucası êzlänä

Anıñ êçennän şeşäneñ AQŞtan kilüen belderüçe xat bula

1659445
Atlantik okeannı kiçkän şeşäneñ xucası êzlänä

Portugaliyäneñ Azor utrawlarında tabılğan häm êçendä AQŞtan cibärelüe äytelüçe xat bulğan plastik şeşäneñ Atlantik okeannı kiçüe farazlana.

“The Boston Globe” gazetınıñ xäbärenä qarağanda, 17 yäş’lek portugaliyäle Kristian Santos şeşäne 2018nçe yılda Azor utrawları tiräsendäge sulıqlarda balıq totqanda êläkterä. Anıñ êçendä “Bügen Räxmät köne. Miña 13 yäş’ häm Rod-Aylendtağı ğailäm yanına kildem. Min Vermonttan” dip yazılğan xat häm êlektron poçta adresı bula.

Şeşäneñ AQŞnıñ Atlantik okean yarındağı Rod-Aylend ştatında suğa atıluı häm okeannı kiçep Portugaliyäneñ Azor utrawlarına kilep citüe farazlana. Anı tapqan yegetneñ änise Molli Santos xattağı êlektron poçta adresına meyl cibärülären, ämma älegä cawap almawların belderde. Alar, xat yullawçını tabırğa ömetlänep, Feysbukta xatnıñ fotosın da urnaştıra. Maqsatları – şeşäneñ okeannı kiçüe turında xäbär itü.



Bäyläneşle xäbärlär