Ber yegetneñ üleme Tunista rizasızlıq dulqını quptardı

İminlek köçläre qulğa alğannan soñ ğomere özelüe belän bäyle çınbarlıqnıñ açıqlanuın taläp itälär

1658981
Ber yegetneñ üleme Tunista rizasızlıq dulqını quptardı

Tunista ber yäş’ keşeneñ iminlek köçläre qulğa alğannan soñ ğomere özelüe belän bäyle çınbarlıqnıñ açıqlanuın taläp itep rizasızlıq çaraları ütte. Qatnaşuçılar başqala Tunista ülgän yeget Äxmät bin Amaranıñ öye yanınnan yaralı xäldä tabılğan cirgä qadär yörde. Alar iminlek köçläreneñ zolımın ğayepläwçe häm bu waqıyğanı tikşerüne taläp itüçe şiğar’lär qıçqırdı.

Äxmät bin Amaranı 8nçe iyün’dä qulğa alalar häm soñınnan ul yaralı xäldä tabılıp xastaxanägä ozatıla. Yeget tabiblar qulında can birä. Anı 9nçı iyün’dä cirlilär.

Şul uq könne sośial’ media platformalarında ber yäş’ keşeneñ yalanğaç kileş uramda poliśiyä tarafınnan qıynaluın kürsätüçe videolar päyda bula häm  kiyerenkelek tudıra. Äxmätneñ gäwdäse tabılğan mäxällädä çualışlar başlana. Rizasızlıq belderüçelär tönge säğat’lärdä tägärmäç yandırıp yullarnı yaba, iminlek köçläre küz yäşen çığaruçı gaz belän qarşılıq kürsätä.

Äxmät bin Amaranıñ ğailäse ullarınıñ üleme öçen iminlek köçlären ğayepli. Êçke êşlär ministrlığı bu nisbättän älegä belderü yasamadı. Ämma rizasızlıq çaraları waqıtında yalanğaç yäşüsmerne qıynağan poliśiyä xemätkärläreneñ tikşerelüen citkerdelär.



Bäyläneşle xäbärlär